తెల్లావారక ముందే పల్లె లేచింది | చిత్రం: ముత్యాల పల్లకి (1976)

విషయసూచిక(toc)

సంగీతం :  సత్యం

గీతరచయిత :  మల్లెమాల

నేపథ్య గానం :  సుశీల

పల్లవి:

తెల్లావారక ముందే పల్లె లేచింది
తనవారినందరినీ తట్టీ లేపింది
ఆదమరచి నిద్ర పోతున్న తొలి కోడి
అదిరిపడి మేల్కోంది... అదే పనిగ కూసింది

తెల్లావారక ముందే పల్లె లేచింది
తనవారినందరినీ తట్టి లేపింది

చరణం 1:

వెలుగు దుస్తులేసుకొని సూరీడు

తూర్పు తలపు తోసుకొని వచ్చాడు
పాడు చీకటికి ఎంత భయమేసిందో
పక్కదులుపుకొని ఒకే పరుగుతీసింది
అది చూసి... లతలన్నీ... ఫక్కున నవ్వాయి
ఆ నవ్వులే ఇంటింట పువ్వులైనాయి

తెల్లావారక ముందే పల్లె లేచింది
తనవారినందరినీ తట్టి లేపింది

చరణం 2:

పాలావెల్లిలాంటి మనుషులు
పండు వెన్నెల వంటి మనసులు
మల్లేపూల రాశివంటి మమతలు
పల్లేసీమలో కోకొల్లలు

అనురాగం... అభిమానం..
అనురాగం... అభిమానం.. కవలపిల్లలూ
ఆ పిల్లలకు పల్లేటూర్లు కన్నతల్లులు
తెల్లావారకముందే పల్లె లేచింది
తనవారినందరినీ తట్టి లేపింది